बाडमेरः राजस्थानच्या बाडमेर जिल्ह्यातील जोधपूर राष्ट्रीय महामार्गावर आज बस आणि ट्रेलरमध्ये भीषण अपघात झाला. भांडियावास गावात संस्कार शाळेजवळ बस आणि ट्रेलरची समोरासमोर धडक होऊन भीषण आग लागली. यामध्ये १२ जण जिवंत जाळाले. सकाळी १०.३० वाजता हा भीषण अपघात झाला. या घटनेतील मृत्यांच्या कुटुंबीयांना पंतप्रधान मोदींनी २ लाख रुपयांची मदत जाहीर केली आहे. तर जखमींना ५० हजार रुपये देण्यात येणार आहेत.

भीषण अपघातात सुरवातीला ५ जणांचा मृत्यू झाल्याचं सांगण्यात येत होतं. पण नंतर जिल्ह्याच्या पोलीस अधीक्षकांनी मृतांचा आकडा सांगितला. एका मुलीसह आणखी ७ जणांचा अपघात मृत्यूची झाल्याची माहिती त्यांनी दिल्ली. अपघातातील ४० जखमींना जवळच्या नाहाटा सरकारी रुग्णालयात दाखल करण्यात आले. त्यापैकी १३ जणांना जोधपूरला रेफर करण्यात आले. अपघाताची माहिती मिळताच पाचपदरा, बालोत्रा आणि रिफायनरीचे अग्निशमन दल घटनास्थळी पोहोचले. अग्निशमन दलाच्या तीन बंबांनी अर्ध्या तासात दोन्ही गाड्यांची आग आटोक्यात आणली.

राँग साइडने आलेल्या ट्रेलरची बसला धकड

बालोत्राहून जोधपूरला जाणाऱ्या बसमध्ये ३५ते ४० प्रवासी बसले होते. चुकीच्या बाजूने आलेल्या ट्रेलरने महामार्गावर बसला धडक दिली. या धडकेनंतर आग लागली. ही आग इतकी भीषण होती की अग्निशमन दलाच्या तिन्ही गाड्यांनी प्रत्येकी दोन फेऱ्या करून आग आटोक्यात आणावी लागली. दरम्यान, पंतप्रधान मोदींनी मृतांच्या वारसांना २ लाखांची तर जखमींना ५० हजारांची मदत जाहीर केली आहे.

घटनेनंतर मुख्यमंत्री अशोक गहलोत यांनी मतद आणि बचावकार्य वेगाने करण्याच्या सूचना पोलीस आणि प्रशासनाला दिल्या. तसंच पोलिस आणि अधिकाऱ्यांना बचावकार्यात सतर्क राहण्याचे निर्देश दिले.

VIDEO : जोधपूर अपघाताचा अंगावर शहारे उभे करणारा व्हिडिओ

पाचपदरा पोलीस अधिकारी प्रदीप डांगा घटनास्थळी पोहोचले. पोलीस अधीक्षक दीपक भार्गव आणि जिल्हाधिकारी लोकबंधू हेही घटनास्थळी उपस्थित आहेत. विभागीय आयुक्त डॉ. राजेश शर्मा, प्रभारी मंत्री सुखराम विश्नोई, पाचपदराचे आमदार मदन प्रजापत हेही घटनास्थळी पोहोचले आहेत.

Indian Railway: रेल्वेकडून सर्वसामान्यांना दिलासा, करोनाकाळातील दरवाढ कमी होणार