naseeruddin shah : तालिबानचा उत्सव साजरा करणाऱ्या भारतीय मुस्लिमांना नसिरुद्दीन शाहांचा कडक संदेश


नवी दिल्लीः अफगाणिस्तानात पुन्हा तालिबानची सत्ता आल्यावर त्याचा उत्सव साजरा करणाऱ्या भारतीय मुस्लिमांचा एका वर्ग धोकादायक आहे, असं म्हणत ज्येष्ठ अभिनेते नसीरुद्दीन शाह ( naseeruddin shah ) यांनी त्यांचा निषेध केला आहे. अफगाणिस्तानमध्ये पुन्हा तालिबानची सत्ता येणं ही संपूर्ण जगासाठी चिंतेची बाब आहे. पण भारतीय मुस्लिमांच्या काही वर्गांमधून क्रूर तालिबानचा उत्सव साजरा केला जातोय हेही कमी धोकादायक नाही, असं नसीरुद्दीन शाहांनी सुनावलं आहे. तालिबानची सत्ता आल्याचा आनंद जे साजरा करत आहेत त्यांनी स्वतः प्रश्न विचारला पाहिजे आपल्या धर्मात सुधारणा करणार की जुन्या क्रूर परंपरांसोबत राहणार?, असं नसीरुद्दीन शाह म्हणाले.

भारतीय इस्लाम आणि जगातील इतर भागांमधील प्रचलित इस्लाम यात मोठा फरक आहे, असं शाह म्हणाले. मी हिंदुस्थानी मुसलमान आहे. मिर्झा गालिबही म्हणून गेले आहेत. माझं नातं अल्लाहशी खूप वेगळं आहे, मला राजकीय धर्माची गरज नाही. भारतातीय इस्लाम हा कायम जगभरातील इस्लामपेक्षा वेगळा राहिला आहे. पण अशी वेळ आणू नका, की त्यात इतका मोठा बदल होईल की आपण त्याला ओळखूही शकणार नाही. देशातील सरकारी सुरक्षा दलांना पराभूत करून तालिबानने १५ ऑगस्टला अफगाणिस्तानवर नियंत्रण मिळवत जगाला आश्चर्यचकीत केलं, असं नसिरुद्दीन शाह म्हणाले.
ISIS-K भारतातील ‘इसिस’कडून भारतात दहशतवादी हल्ल्याची शक्यता, सुरक्षा यंत्रणा अलर्टवर

india taliban talks : भारताची तालिबानशी चर्चा; शिवसेनेचा विरोध, मात्र काँग्रेस, राष्ट्रवादीच्या नेत्यां

अमेरिकेवर ११ सप्टेंबर २००१ मध्ये दहशतवादी हल्ला झाला होता. यानंतर अमेरिकेने कारवाई करत तालिबानला अफगाणिस्तानातून हटवलं होतं. पण अफगाणिस्तानमध्ये पुन्हा तालिबानची सत्ता आली आहे. मानवाधिकारांचा सन्मान करणार आणि देशाच्या जमिनीवरून दहशतवादी कारवाया करू देणार नाही, असा दावा तालिबानने केला आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: