मुंबई : सणासुदीत तेजीत असलेल्या सोने दरात आज बुधवारी घसरण झाली आहे. नफावसुली आणि मागणी घटल्याने सोन्याचा भाव आज ११० रुपयांनी कमी झाला. एमसीएक्सवर सोन्याचा भाव प्रती १० ग्रॅम ४८२१५ रुपये आहे.

मोटार विमा मिळणार झटपट; लिबर्टी जनरल इन्शुरन्सची ‘फोन पे’सह भागीदारी
फेडरल रिझर्व्हच्या बैठकीच्या पार्श्वभूमीवर सोने आणि चांदीमध्ये तेजी दिसून आली होते. मात्र आज तेजीला ब्रेक लागला. सध्या मल्टी कमॉडिटी एक्सचेंजवर १० ग्रॅम सोन्याचा भाव ४८२१५ रुपये आहे. त्यात ७२ रुपये घसरण झाली आहे. एक किलो चांदीचा भाव ६४७६७ रुपये आहे. त्यात १९७ रुपयांची वाढ झाली आहे.

इंधन दर ; जाणून घ्या आजचा तुमच्या शहरातील पेट्रोल आणि डिझेलचा भाव
Goodreturns या वेबसाईटनुसार आज बुधवारी मुंबईत २२ कॅरेट सोन्याचा भाव ४७०९० रुपये झाला. २४ कॅरेटचा भाव ४८०९० रुपये इतका वाढला. त्यात मंगळवारच्या तुलनेत तब्बल १०० रुपयांची वाढ झाली. आज दिल्लीत २२ कॅरेट सोन्याचा भाव ४७१५० रुपये आणि २४ कॅरेटसाठी सोन्याचा भाव ५१४०० रुपये आहे. आज चेन्नईत २२ कॅरेटसाठी ४५४५० रुपये तर २४ कॅरेट सोन्याचा भाव ४९५८० रुपये इतका वाढला आहे. कोलकात्यात आज २२ कॅरेट सोन्याचा भाव ४७४५० रुपये असून २४ कॅरेट सोन्याचा भाव ५०१५० रुपये इतका आहे.

सोने खरेदीचे अस्सल बिल कसे असते? सराफाकडून मिळणाऱ्या पावतीमध्ये तपासा या गोष्टी
जागतिक बाजारात स्पॉट गोल्डचा भाव ०.१५ टक्क्यांनी वधारला आणि तो १८२७.२२ डॉलर प्रती औंस झाला. चांदीचा भाव २४.३४ डॉलर प्रती औंस झाला. त्यात ०.४२ टक्के वाढ झाली.