ISIS-K भारतातील ‘इसिस’कडून भारतात दहशतवादी हल्ल्याची शक्यता, सुरक्षा यंत्रणा अलर्टवर


हायलाइट्स:

  • सुरक्षा यंत्रणा अलर्टवर
  • भारताला दहशतवाद्यांचा धोका वाढला
  • गुप्तचर यंत्रणांच्या हवाल्यानं हा खुलासा

नवी दिल्ली : अफगाणिस्तान आणि पाकिस्तानात सक्रीय असलेल्या दहशतवादी संघटना ‘इसिस खुरासान‘कडून (ISIS-K) मोठ्या दहशतवादी हल्ल्याची शक्यता वर्तवण्यात येतेय. गुप्तचर यंत्रणांच्या हवाल्यानं हा खुलासा होतोय. उल्लेखनीय म्हणजे, अफगाणिस्तानात तालिबाननं वर्चस्व मिळवल्यानंतर भारताच्या उत्तरेकडील बाजूस दहशतवादी हल्ल्यांचा धोका वाढलाय. यासाठी सुरक्षा यंत्रणा सज्ज आहेत.

गुप्तचर यंत्रणांकडून दहशतवादी हल्ल्याचा अलर्ट दिलाय. मिळालेल्या माहितीनुसार, दहशतवादी संघटना इसिसचे प्रशिक्षित घुसखोर – दहशतवादी भारताला हादरा देण्याच्या तयारीत आहेत. यावेळी त्यांच्या निशाण्यावर भारतातील मंदिरं, काही राजकीय नेते आणि गर्दीची ठिकाणं असल्याचंही सांगितलं जातंय.

आर्थिक मदत

दहशतवाद्यांकडून परदेशी व्यक्तींनाही टार्गेट केलं जाऊ शकतं. या दहशतवादी गटासाठी काम करणाऱ्या काही व्यक्तींना कर्नाटक आणि काश्मीरमध्ये नुकतीच अटक करण्यात आलीय. चौकशीनंतर ते अफगाणिस्तान आणि पाकिस्तानातील आयएस ऑपरेटरच्या संपर्कात असल्याचं समोर आलंय. इसिसच्या दहशतवादी गटाकडून रचण्यात येणाऱ्या दहशतवादी हल्ल्यांच्या कटात यांचाही हात असल्याची शक्यता समोर येतेय.

भारतमध्ये उपस्थित दहशतवाद्यांना आयईडी बनवण्याचे तसंच छोटी हत्यारं खरेदी करण्यासाठी आर्थिक मदत पोहचवण्यासाठी इसिसकडून प्रयत्न सुरू असल्याचं समोर आलंय.

Jagdanand Singh: ‘आरएसएस भारतातले तालिबानी’, राजद नेत्याचा संघावर जोरदार हल्ला
Syed Ali Shah Geelani: हैदरपोरा भागात गिलानी यांच्यावर अंत्यसंस्कार, इंटरनेट सेवा बंद
काबूल विमानतळ दहशतवादी हल्ला

अफगाणिस्तानची राजधानी काबूलमध्ये आंतरराष्ट्रीय विमानतळावर काही दिवसांपूर्वी घडवून आणलेल्या बॉम्बस्फोटामागे ‘इसिस’चाच हात असल्याचं समोर आलं होतं. या स्फोटात जवळपास १०-१५ अमेरिकन सैनिकांसहीत जवळपास १०० जणांचा मृत्यू झाला होता. ‘इसिस खुरासान’ची मुळं पाकिस्तानशीही जोडली गेलेली आहेत.

इसिस खुरासान

असलम फारुकी हा ‘इसिस खुरासान’ (ISIS-K) या नावानं ओळखल्या जाणाऱ्या दहशतवादी गटाचा म्होरक्या आहे. फारुकी हा पाकिस्तानच्या खैबरपख्तूनख्वा प्रांताचा रहिवासी आहे. तसंच तो ‘लष्कर ए तोयबा’शीही निगडीत आहे. फारुकी आतापर्यंत अफगाणिस्तानातील बगराम तुरुंगात बंद होता. तालिबान्यांनी काबूलवर वर्चस्व मिळवल्यानंतर त्याची सुटका करण्यात आलीय. आणि तुरुंगातून बाहेर आल्यानंतर लगेचच त्यानं काबूल विमानतळावर आत्मघातकी बॉम्बस्फोट घडवून आणल्याचं समोर आलं.

india taliban talks : भारताची तालिबानशी चर्चा; शिवसेनेचा विरोध, मात्र काँग्रेस, राष्ट्रवादीच्या नेत्यांचं समर्थन?
taliban india talk : ‘तालिबान दहशतवादी आहे की नाही, असेल तर मग चर्चा का? सरकार कन्फ्यूज’



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: