T20 World Cup 2021 : ७ सप्टेंबरला होणार टीम इंडियाची घोषणा; पृथ्वी शॉसह ३ खेळाडू राखीव


नवी दिल्ली : आगामी टी-२० विश्वचषक स्पर्धेत कोणत्या खेळाडूंसह टीम इंडिया मैदानात उतरणार याची चर्चा गेल्या काही दिवसांपासून सुरू आहे. या पार्श्वभूमीवर पुढील आठवड्यात भारतीय संघाची घोषणा होऊ शकते, अशी माहिती सूत्रांनी दिली आहे. ओमान आणि यूएईमध्ये १७ ऑक्टोबरपासून टी-२० विश्वचषकाला सुरुवात होईल. सध्या भारतीय संघ इंग्लंडविरुद्धच्या पाच कसोटी सामन्यांच्या मालिकेसाठी इंग्लंड दौऱ्यावर गेला आहे. आणि गुरुवार (२ सप्टेंबर)पासून चौथ्या कसोटी सामन्याला सुरवात होणार आहे. त्यामुळे ओव्हल कसोटीनंतरच भारतीय संघाची घोषणा होणार आहे.

वाचा- फायनल अगोदर रात्रभर रडला शरद कुमार; भगवद्गीता वाचली आणि इतिहास घडवला

७ सप्टेंबरला टी-२० विश्वचषकासाठी भारतीय संघाची घोषणा होईल, अशी माहिती पुढे आली आहे. त्यामुळे आयपीएलमधील कामगिरीच्या आधारावर कोणत्याही खेळाडूला टी-२० विश्वचषकाचं तिकीट मिळणार नाही, हे स्पष्ट झालं आहे. निवड समिती आणि टीम इंडिया व्यवस्थापनाने आधीच खेळाडूंची निवड केली आहे.

वाचा- सचिन तेंडुलकरच पूर्ण करू शकतो पॅरा ऑलिम्पिकपटूचं स्वप्न; काय आहे नेमकं प्रकरण

मीडिया रिपोर्टनुसार, भारतीय संघ टी-२० विश्वचषकासाठी एकूण १५ खेळाडूंची निवड करणार आहे. याशिवाय ३ राखीव खेळाडूंनाही ताफ्यात दाखल करण्यात येईल. ईशान किशन, पृथ्वी शॉ आणि एक फिरकीपटू राखीव खेळाडू म्हणून यूएईला जाणार आहेत. सूर्यकुमार यादव, श्रेयस अय्यर आणि मोहम्मद सिराज यांना टी-२० विश्वचषक संघात संधी मिळू शकते. आर अश्विन, राहुल चहर, वरुण चक्रवर्ती आणि वॉशिंग्टन सुंदर यांच्यापैकी कोणत्याही दोन फिरकीपटूंची निवड शक्य आहे.

वाचा- अजिंक्य रहाणेचं उपकर्णधारपद धोक्यात; सर्वात यशस्वी कर्णधाराकडे जाणार जबाबदारी

या खेळाडूंना संधी मिळणार?
२४ ऑक्टोबरपासून भारतीय संघ आपली मोहीम सुरू करणार आहे. टी-२० विश्वचषकात भारतीय संघ आपला पहिला सामना पाकिस्तानविरुद्ध खेळणार आहे. यानंतर, भारतीय संघ ३१ ऑक्टोबर रोजी न्यूझीलंड, ३ नोव्हेंबर रोजी अफगाणिस्तान आणि ५ नोव्हेंबर रोजी सुपर-१२ पात्रता संघ (बी-१) यांच्याशी सामना करेल. टी-२० विश्वचषकाच्या पहिल्या फेरीत ८ संघ सुपर-१२ मध्ये स्थान मिळवण्यासाठी खेळणार आहेत. आयर्लंड, नेदरलँड्स, श्रीलंका आणि नामिबिया हे चार संघ अ गटात आहेत. तर ओमान, पीएनजी, स्कॉटलंड आणि बांगलादेश ब गटात आहेत.

वाचा- लीड्स कसोटीतील चूक भारताने द ओव्हलवर करू नये; इंग्लंडच्या माजी कर्णधाराने सांगितला विजयाचा मार्ग

प्रत्येक गटातील आघाडीचे २ संघ सुपर-१२ मध्ये प्रवेश करतील. सुपर-१२ चा पहिला सामना २३ ऑक्टोबर रोजी ऑस्ट्रेलिया आणि दक्षिण आफ्रिका यांच्यात होईल. दुसरा सामना त्याच दिवशी इंग्लंड आणि वेस्ट इंडिज यांच्यात खेळला जाईल. टी-२० विश्वचषक २०२१ ची पहिली उपांत्य फेरी १० नोव्हेंबर रोजी अबुधाबी येथे होणार आहे. दुसरी उपांत्य फेरी ११ नोव्हेंबरला दुबईत खेळली जाईल. अंतिम सामना १४ नोव्हेंबरला दुबईमध्ये खेळला जाईल. १५ नोव्हेंबरचा दिवस हा राखीव दिवस म्हणून ठेवण्यात आला आहे. तसेच दोन्ही उपांत्य सामन्यांसाठी राखीव दिवस ठेवण्यात आले आहेत.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: