नवी दिल्लीः व्हाइस अॅडमिरल आर. हरी कुमार हे नौदलाचे नवे प्रमुख असतील. ते सध्या वेस्टर्न नेव्हल कमांडचे फ्लॅग ऑफिसर कमांडिंग-इन-चीफ आहेत. ते ३० नोव्हेंबरला पदभार स्वीकारतील. नौदलाचे विद्यमान प्रमुख अॅडमिरल करमबीर सिंह हे ३० नोव्हेंबरला निवृत्त होत आहेत. १२ एप्रिल १९६२ ला जन्मलेल्या हरी कुमार यांनी व्हाइस चीफ ऑफ डिफेन्स स्टाफ, चीफ ऑफ पर्सनल, द फ्लॅग ऑफिसर कमांडिंग वेस्टर्न फ्लीट अशा अनेक महत्त्वाच्या पदांवर काम केले आहे. ते गोवा नेव्हल वॉर कॉलेजचे कमांडंट राहिले आहेत आणि सेशल्स सरकारचे नौदल सल्लागारही राहिले आहेत.

मुंबई विद्यापीठातून डिफेन्स अँड स्ट्रॅटेजिक स्टडीजमध्येमध्ये त्यांनी एमफिल केले आहे. केरळच्या तिरुवनंतपूरममध्ये जन्मलेल्या कुमार यांनी सुरवातीचे शिक्षण मन्नम मेमोरियल रेसिडेन्शिअल हायस्कूलमधून घेतले. यानंतर त्यांनी तिरुवनंतपूरमच्या सरकारी कला महाविद्यालयातून प्री-डिग्री कोर्स केला. १९७९ मध्ये त्यांनी राष्ट्रीय संरक्षण प्रबोधिनीच्या ६१ व्या कोर्समध्ये भाग घेतला आणि त्यांना ज्युलिएट स्क्वाड्रन देण्यात आले. १९८१ मध्ये त्यांनी एनडीएमधून पदवी प्राप्त केली.

india china news : ज्या भागावर ६ दशकांपूर्वी केला होता कब्जा, चीनने तिथेच वसवले गाव!

व्हाइस अॅडमिरल आर. हरी कुमार यांनी १९९६ मध्ये न्यूपोर्ट, रोड आयलंड येथील यूएस नेव्हल वॉर कॉलेजमध्ये नेव्हल स्टाफ कोर्समध्ये भाग घेतला. त्यांनी जवाहरलाल नेहरू विद्यापीठातून पदव्युत्तर पदवी आणि किंग्ज कॉलेज लंडनमधून पदव्युत्तर पदवी घेतली आहे. व्यावसायिक प्रशिक्षणासाठी त्यांनी २००४ मध्ये आर्मी वॉर कॉलेजमध्ये आर्मी हायर कमांड कोर्स आणि २००९ मध्ये रॉयल कॉलेज ऑफ डिफेन्स स्टडीजमध्ये प्रवेश घेतला. त्यांनी मुंबईतील नरोत्तम मोरारजी इन्स्टिट्यूट ऑफ शिपिंगमधून पोस्ट ग्रॅज्युएट डिप्लोमा इन शिपिंग मॅनेजमेंट कोर्स केला.

rafale deal : राफेल सौद्यावरून झडल्या आरोपांच्या फैरी! ‘INC म्हणजे I Need Commission’, भाजपचा

आर. हरी कुमार यांना आतापर्यंत परम विशिष्ट सेवा पदक, अति विशिष्ट सेवा पदक आणि विशिष्ट सेवा पदक देण्यात आले आहेत. १९८३ मध्ये ते नौदलात भरती झाले. त्यांना आयएनएस रणजीतमध्ये तोफखाना अधिकारी म्हणून नियुक्त करण्यात आले होते. त्यांनी आयएनएस विपुलचे कार्यकारी अधिकारी म्हणूनही काम केले आहे. याशिवाय त्यांनी आयएनएस विराटवरही काम केले आहे. सोमालियामध्ये संयुक्त राष्ट्रांच्या हस्तक्षेपाच्या दुसऱ्या टप्प्यात डिसेंबर १९९२ ते जून १९९३ पर्यंत त्यांनी मोगादिशू येथील नागरी आणि लष्करी ऑपरेशन्स केंद्रात काम केले.