अजिंक्य रहाणेचं उपकर्णधारपद धोक्यात; सर्वात यशस्वी कर्णधाराकडे जाणार जबाबदारी


ओव्हल : तिसऱ्या कसोटीत टीम इंडियाचा दारुण पराभव झाला. तेव्हापासून चौथ्या कसोटीसाठी (IND vs ENG) भारतीय संघात बदल करण्याची चर्चा होत आहे. कर्णधार विराट कोहलीनेही तसेच संकेत दिले आहेत. बहुतेकांच्या नजरा भारताच्या मधल्या फळीतील फलंदाजांवर आहेत. चेतेश्वर पुजारा, विराट कोहली आणि अजिंक्य रहाणे सध्या खराब फॉर्ममध्ये आहेत. या पार्श्वभूमीवर उपकर्णधार अजिंक्य रहाणेला चौथ्या सामन्यातून वगळले जाऊ शकते. अशा परिस्थितीत रोहित शर्माची त्याच्या जागी बढती मिळण्याची दाट शक्यता निर्माण झाली आहे.

वाचा- ENG vs IND: चौथ्या कसोटीत रोहित शर्मासह चार भारतीय खेळाडूंना विक्रमाची संधी

सध्याच्या मालिकेबद्दल बोलायचं झालं, तर अजिंक्य रहाणेला ५ डावात फलंदाजी करण्याची संधी मिळाली, पण त्याला ४ डावांमध्ये २० धावांचा टप्पाही गाठता आला नाही. त्याने नॉटिंगहॅमच्या पहिल्या कसोटीमध्ये ५ धावा केल्या होत्या. त्यानंतर लॉर्ड्सवर खेळलेल्या दुसऱ्या कसोटीत रहाणेने १ आणि ६१ धावा केल्या. तिसऱ्या कसोटीच्या दोन्ही डावांमध्ये रहाणे फक्त १८ आणि १० धावाच करू शकला. अशा स्थितीत त्याला हटविण्यात येण्याची चर्चा आहे. दुसरीकडे रोहित शर्मा हा भारतीय संघातील वरिष्ठ खेळाडू आहे. त्याने आयपीएलमध्ये मुंबई इंडियन्सला ५ वेळा जेतेपद मिळवून दिले आहे. इतर कोणत्याही कर्णधाराला अशी कामगिरी करता आली नाही.

वाचा- फायनल अगोदर रात्रभर रडला शरद कुमार; भगवद्गीता वाचली आणि इतिहास घडवला

कसोटीत केली आहेत १२ शतकं
अजिंक्य रहाणे गेल्या एक वर्षापासून खराब फॉर्मशी झुंजत आहे. चेतेश्वर पुजारा आणि कर्णधार विराट कोहली यांनीही चांगली कामगिरी केली नाही, पण तिसऱ्या कसोटीच्या दुसऱ्या डावात पुजाराने संघर्षपूर्ण ९१ धावा करत चौथ्या कसोटीसाठी आपले स्थान जवळजवळ पक्के केले आहे. रहाणेने ७७ कसोटीतील १३० डावांमध्ये ४० च्या सरासरीने ४७४२ धावा केल्या आहेत. त्याने १२ शतके आणि २४ अर्धशतके झळकावली आहेत. चौथ्या कसोटी सामन्यासाठी रहाणेच्या जागी सूर्यकुमार यादवला संधी मिळू शकते. भारताचे माजी दिग्गज क्रिकेटपटू सुनील गावसकर यांनीही भारतीय संघांत बदलाबाबतचे संकेत दिले आहेत.

वाचा- Video : अंपायरवर भडकला पोलार्ड; व्हिडिओ होतोय व्हायरल

दोन फिरकी गोलंदाजांसह भारतीय संघ उतरणार मैदानात
चौथी कसोटी २ सप्टेंबरपासून ओव्हल मैदानावर खेळली जाणार आहे. या मैदानाचा इतिहास पाहिला तर फिरकी गोलंदाज यशस्वी होत असल्याचे दिसून येते. अशा परिस्थितीत रवींद्र जडेजासह आर. अश्विनलाही संघात स्थान मिळू शकते. संघ २ फिरकी गोलंदाजांसह मैदानात उतरू शकतो. दुसरीकडे वेगवान गोलंदाज इशांत शर्माला वगळले जाऊ शकते. आतापर्यंत मालिकेतील तीनही सामन्यांमध्ये अश्विनला संधी मिळालेली नाही. त्याने कसोटीत ४०० हून अधिक बळी घेतले आहेत.

वाचा- भारतीय खेळाडूंनी इतिहास घडवला, पॅरालिम्पिकमधील पदकांची संख्या दुहेरी



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: