Hindu Muslim: हिंदू बहुसंख्य आहेत तोपर्यंतच संविधान, महिला सुरक्षित; भाजप नेत्याचं जाहीर वक्तव्य


हायलाइट्स:

  • ‘जेव्हा गैर-हिंदू बहुसंख्यांक होतात तेव्हा ते शरीयत कायदा लागू होतो’
  • गुजरातच्या उपमुख्यमंत्र्यांनीही असंच काहीसं वक्तव्य केलं होतं
  • भाजप नेत्यांना हिंदू अल्पसंख्य होण्याची का वाटतेय भीती?

नवी दिल्ली : भारतीय जनता पक्षाचे राष्ट्रीय महासचिव सी टी रवी यांनी मंगळवारी एक वादग्रस्त वक्तव्य केलंय. देशात हिंदू बहुसंख्य आहेत तोपर्यंतच देशाचं संविधान आणि महिला सुरक्षित आहेत असा दावा रवी यांनी केलाय.

जेव्हापर्यंत या देशात हिंदू बहुसंख्य आहेत तोपर्यंतच डॉ. बाबासाहेब आंबेडकर यांनी लिहिलेलं संविधान सुरक्षित राहील. जेव्हापर्यंत हिंदू बहुसंख्या राहतील तोवरच समान संधी उपलब्ध होतील. पण एकदा का हिंदू अल्पसंख्यांक झाले तर गंधार (अफगाणिस्तान) सोबत जे झालं तेच भारतातही होईल, असं रवी यांनी म्हटलंय. ज्या नागरिकांना आंबेडकरांनी लिहिलेल्या संविधानाचं संरक्षण करायचं असेल त्यांनी हे ‘सत्य’ विसरू नये, असं आवाहनही त्यांनी केलंय. उल्लेखनीय म्हणजे, संविधानाशी छेडछाड करत नवे कायदे निर्माण करण्याचा आरोप भाजपवर विरोधकांकडून अनेकदा करण्यात आलाय.

Nitin Patel: हिंदूंची संख्या घटली तर ना कायदे राहणार, ना संविधान; गुजरातच्या उपमुख्यमंत्र्यांना भीती
Rakesh Tikait: यूपी निवडणुकीपूर्वी मोठ्या हिंदू नेत्याची हत्या; टिकैत यांचा भाजप-आरएसएसवर निशाणा

भाजपला हिंदू अल्पसंख्य होण्याची का वाटतेय भीती?

‘धर्मनिरपेक्षता आणि धार्मिक सहिष्णुता हा हिंदूंचा मूळ विश्वास आहे. जेव्हापर्यंत सहिष्णुतेवर विश्वास असणारे लोक बहुसंख्य राहतील तेव्हापर्यंत धर्मनिरपेक्षता कायम राहील. महिला सुरक्षित राहतील. सहिष्णुता असणाऱ्या लोकांची संख्या घटली तर अफगाणिस्तानसारखी परिस्थिती निर्माण होईल. जेव्हा ते (गैर-हिंदू) बहुसंख्यांक होतात तेव्हा ते शरीयत कायदा लागू करण्याच्या गोष्टी करतात, आंबेडकरांच्या संविधानाच्या नाही’, अशी भीतीही भाजप नेत्यानं जाहीर भाषणात व्यक्त केलीय.

भारतात बहुसंख्य हिंदू आहेत म्हणून संबंध चांगले होणार नाहीत: नेपाळ
बहुसंख्य हिंदू धार्मिक वृत्तीचे; धर्मांध नव्हेत: डांगळे
AIMIM ची तुलना तालिबानसोबत

भाजप नेते रवी यांनी यावेळी असदुद्दीन ओवैसी यांच्या ऑल इंडिया मजलिस ए इत्तेहादुल मुसलमीन (AIMIM) आणि सोशल डेमोक्रॅटिक पार्टी ऑफ इंडिया (SDPI) च्या विचारधारेची तुलना तालिबानशी केलीय. एआयएमआयएम कर्नाटकातील तालिबान आहे. एआयएमआयएम आणि एसडीपीआयची विचारधारा तालिबानसारखी आहे. कलबुर्गीचे लोक तालिबानी विचारधारा नाकारून आगामी महानगरपालिका निवडणुकीत भाजपलाच बहुमतानं जिंकून आणतील, असं आवाहनही रवी यांनी जनतेला केलंय.

गुजरातच्या उपमुख्यमंत्र्यांचंही असंच वक्तव्य

उल्लेखनीय म्हणजे, काही दिवसांपूर्वी असाच काहीसा दावा गुजरातचे उपमुख्यमंत्री नितीन पटेल यांनीही केला होता. संविधान, धर्मनिरपेक्षता आणि कायदा देशात तेव्हापर्यंत अबाधित राहू शकतो जेव्हापर्यंत हिंदू बहुसंख्य आहेत. जर हिंदूंची संख्या कमी झाली तर त्या दिवशी देशात ना कायदे असतील ना न्यायालय… देशात कोणतीही लोकशाही किंवा संविधान राहणार नाही. सगळं काही हवेत दफन केलं जाईल, असं वक्तव्य भाजप नेते आणि गुजरातचे उपमुख्यमंत्री नितीन पटेल यांनी केलं होतं.

पोस्टरवॉर : मुख्यमंत्री ‘कंस’ तर विरोधी पक्षनेता ‘कृष्णा’च्या रुपात!
india taliban news : ‘देशात तालिबानच्या नावाने आधी विष कालवलं आणि आता मैत्री!’, शिवसेनेचा हल्लाबोल



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: