पंजशीरमध्ये तालिबान आणि नॉर्दर्न अलायन्समध्ये जोरदार संघर्ष; काही तालिबानी ठार झाल्याचा दावा


काबूल: अफगाणिस्तानमध्ये सर्वसमावेशक आणि शांततेच्या मार्गाने सरकार स्थापन करत असल्याचे आश्वासन तालिबान देत आहे. तर, दुसरीकडे तालिबानकडून पंजशीर खोऱ्यात घुसखोरीचे प्रयत्न सुरू आहे. पंजशीरमध्ये नॉर्दर्न अलायन्स आणि तालिबानमध्ये तीव्र संघर्ष सुरू असल्याचे वृत्त समोर आले आहे.

मंगळवारी रात्रीदेखील तालिबानने पंजशीरमध्ये शिरण्याचा प्रयत्न केला. मात्र, नॉर्दर्न अलायन्सच्या बंडखोरांनी त्यांचा हल्ला परतवून लावला.

स्थानिक पत्रकार नातिक मालिकजा यांनी केलेल्या एका ट्विटनुसार, पंजशीर प्रांतातील प्रवेशद्वारावर गुलबहार भागात तालिबानी आणि नॉर्दर्न अलायन्समध्ये चकमक झाली आहे. तालिबानने या ठिकाणी असलेला एक पूल उद्धवस्त केला आहे. त्याशिवाय काहींना ताब्यातही घेतले गेले आहे.

काबूल सोडण्याशिवाय पर्यायच नव्हता; बायडन यांची कबुली

याआधी सोमवारी रात्रीदेखील तालिबान आणि नॉर्दर्न अलायन्समध्ये चकमक झाल्याचे वृ्त्त होते. जवळपास ७-८ तालिबानी ठार झाले असल्याचे म्हटले गेले. तालिबानने जवळपास सर्व अफगाणिस्तानवर ताबा मिळवला असला तरी पंजशीर प्रांतावर ताबा मिळवता आला नाही. या ठिकाणी नॉर्दर्न अलायन्सच्या अहमद मसूद यांच्या नेतृत्वाखाली तालिबानविरोधात संघर्ष केला जात आहे.

तालिबान्यांना एकाकी पडण्याची भीती; भारताला केले ‘हे’ आवाहन!
अफगाणिस्तानचे माजी उपराष्ट्रपती अमरुल्लाह सालेह आणि अफगाणिस्तान सैन्यातील काही अधिकारी आणि जवानदेखील पंजशीर भागात दाखल झाले आहेत. तालिबानविरोधी गट पंजशीरमध्ये एकवटले आहेत.

‘तालिबानने अन्नधान्याचा पुरवठा रोखला; लहान मुले, वृद्धांचा ढालीसारखा वापर’

तालिबानींचा क्रूरपणा; लोकगीत गायकाची केली हत्या
अहमद मसूदचे प्रवक्ते फहीम दश्ती यांनीदेखील तालिबानसोबत झालेल्या चकमकीच्या वृत्ताला दुजोरा दिला आहे. फहीम यांच्या माहितीनुसार, सोमवारी रात्री पंजशीरमध्ये तालिबानने हल्ला करत घुसखोरीचा प्रयत्न केला होता. मात्र, त्यांना यश मिळाले नाही.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: