प्राप्तिकराचा वेबघोळ भाग-२ ; माहिती भरणे हीच डोकेदुखी


हायलाइट्स:

  • गेल्या सात वर्षांतील सर्वच्या सर्व विवरणपत्रे पहिल्या प्रयत्नात दिसत नाहीत.
  • २०१३-१४ पूर्वीची कर विवरणविषयक माहिती साइटवर उपलब्ध नसल्यामुळे करदात्यांची अडचण होत आहे.
  • प्रिफिल्ड विवरणपत्र स्क्रिनवर दिसले तरी त्यातील माहितीत गोंधळ आहे.

म. टा. खास प्रतिनिधी, मुंबई : प्राप्तिकराचे विवरणपत्र भरण्यासाठी सुरुवात करताना अनेकदा मागचे संदर्भ आवश्यक असतात. त्यासाठी आधी भरलेली विवरणपत्रे पाहावी लागतात. नव्या वेबसाइटवर करनिर्धारण वर्ष २०१३-१४ नंतरची विवरणपत्रे डाउनलोड करता येतील, असे म्हटले असले तरीही आजपर्यंतची, म्हणजे गेल्या सात वर्षांतील सर्वच्या सर्व विवरणपत्रे पहिल्या प्रयत्नात दिसत नाहीत. हा करदात्यांसाठी नित्याचा अनुभव झाला आहे. त्याचप्रमाणे ‘प्रिफिल्ड’ विवरणपत्र उघडल्यास त्यात फॉर्म १६ व फॉर्म २६एएस यांतील माहिती बऱ्याच रकान्यांत चुकीची भरलेलीही अनेक करदात्यांना आढळत आहे. ही माहिती पुन्हा नव्याने भरणे ही मोठीच डोकेदुखी बनली आहे.

तेजीला ब्रेक ; नफावसुलीने सेन्सेक्स आणि निफ्टीमध्ये झाली घसरण
त्यातच करनिर्धारण वर्ष २०१३-१४ पूर्वीची कर विवरणविषयक माहिती साइटवर उपलब्ध नसल्यामुळे करदात्यांची अडचण होत आहे. प्राप्तिकर वेबसाइटवर जुनी विवरणपत्रे उपलब्ध असतात हे माहीत असल्याने करदाते ही विवरणपत्रे स्वतःकडे ठेवत नाहीत. ही जुनी विवरणपत्रे आणि त्याबरोबरचे फॉर्म २६एएस संदर्भासाठी नव्या वेबसाइटवर एकतर दिसतच नाहीत किंवा ते चटकन उपलब्ध होत नाहीत.

कर्ज घेताय; सार्वजनिक क्षेत्रातील ‘या’ बड्या बँंकेनी केली प्रोसेसिंग फी माफीची घोषणा
प्रिफिल्ड विवरणपत्र स्क्रिनवर दिसले तरी त्यातील माहितीत गोंधळ आहे. विशेषतः अन्य स्रोतांपासून उत्पन्न या रकान्यातील माहिती, वेतनविषयक आकडेवारी अनेक करदात्यांच्या बाबतीत चुकीची भरलेली आहे. फॉर्म २६एएसचे प्रतिबिंब विवरणपत्रात दिसणे अपेक्षित आहे. वेतनावर लागणाऱ्या टीडीएसची माहिती भरलेली आहे पण वेतनाची आकडेवारी भरलेली नाही, असा प्रकारही झाला आहे.

किंचित दिलासा ; सात दिवसांनंतर पेट्रोलियम कंपन्यांनी दिली ग्राहकांना खूशखबर
बँक तपशिलात गडबड
आयटीआर १, २ व ४ भरून अपलोड करताना अनेकवेळा साइट लॉक होण्याचे प्रकार आजही घडत आहेत. इन्फोसिसची टीम यावर काम करत असली तरी हा प्रश्न अद्याप सुटलेला नाही. विवरणपत्र भरण्यासाठी सुरुवात केल्यावर परताव्यासाठी तसेच करभरणा करण्यासाठी करदात्याचा बँक तपशील अद्ययावत असणे गरजेचे असते. असा तपशील भरताना बँकेचे नाव टाइप करताना एरर येत आहे. बँकेचा तपशील भरता आल्यास ती बँक व शाखा यांची पडताळणी प्राप्तिकर विभागाकडून झाल्यानंतरही ही चूक साइटवर दिसून येत आहे. त्याचप्रमाणे बँकेचे नाव चुकले आणि ही बाब लक्षात आल्यास ती पुन्हा भरण्याची सुविधा या साइटवर उपलब्ध नसल्यामुळे करदाते त्रासून गेले आहेत.

वाचा :घरगुती गॅस महागला; सलग तिसऱ्या महिन्यात सिलिंडरच्या किमतीत झाली वाढ
तारीख अमेरिकी पद्धतीने!
विवरणपत्र भरताना त्याची तारीख अमेरिकी पद्धतीने दर्शवली जात आहे. सर्वसाधारणपणे दिवस-महिना-वर्ष अशा स्वरूपात देशात तारीख नोंदवली जाते. समजा एखाद्याने विवरणपत्र ४ ऑगस्ट २०२१ रोजी भरले असेल तर नवी वेबसाइट हे विवरणपत्र अमेरिकी पद्धतीने तारीख नोंदवत ८ एप्रिल २०२१ रोजी भरल्याचे दर्शवत आहे! त्यामुळे करदात्यांना त्यांचे विवरणपत्र ई-व्हेरिफिकेशनसाठी उपलब्ध होत नाही, अशी परिस्थिती आहे.

तांत्रिकदृष्ट्या वेबसाइट परिपूर्ण होईपर्यंत एकाही क्लाएंटचे विवरण पत्र भरायचे नाही, असा पवित्रा बहुतांश कर सल्लागारांनी घेतला आहे. परंतु जसजसा एकेक दिवस जात आहे तसतशी सर्व विवरणपत्रे भरून पूर्ण होतील की नाही याबाबतची भीती वाढत आहे. नव्या वेबसाइटचा हा सगळा खटाटोप करत बसण्यापेक्षा जुनी वेबसाईट पुन्हा सक्रिय केल्यास सर्वच प्रश्न सुटतील अशी परिस्थिती आहे.

– सीए शंतनू बागवे



Source link

Share on facebook
Share on twitter
Share on linkedin
Share on whatsapp
Share on telegram