मंगळवारीदेखील तालिबानने पंजशीरमध्ये घुसखोरी करण्याचा प्रयत्न केला होता. मात्र, नॉर्दर्न अलायन्सने हा हल्ला परतवून लावला होता. नॉर्दर्न अलायन्सच्या ट्विट हँडलवरून संघर्षाचा एक व्हिडिओही प्रसारीत करण्यात आला आहे. मागील दोन दिवसांपासून तालिबानने पंजशीर जोरदार हल्ला सुरू केला आहे.
काबूल सोडण्याशिवाय पर्यायच नव्हता; बायडन यांची कबुली
याआधी सोमवारी रात्रीदेखील तालिबान आणि नॉर्दर्न अलायन्समध्ये चकमक झाल्याचे वृ्त्त होते. जवळपास ७-८ तालिबानी ठार झाले असल्याचे म्हटले गेले. तालिबानने जवळपास सर्व अफगाणिस्तानवर ताबा मिळवला असला तरी पंजशीर प्रांतावर ताबा मिळवता आला नाही. या ठिकाणी नॉर्दर्न अलायन्सच्या अहमद मसूद यांच्या नेतृत्वाखाली तालिबानविरोधात संघर्ष केला जात आहे.
UN सुरक्षा परिषदेत भारताच्या अध्यक्षेत १३ देशांची तालिबानला सशर्त मान्यता!
तालिबानींचा क्रूरपणा; लोकगीत गायकाची केली हत्या
अफगाणिस्तानचे माजी उपराष्ट्रपती अमरुल्लाह सालेह आणि अफगाणिस्तान सैन्यातील काही अधिकारी आणि जवानदेखील पंजशीर भागात दाखल झाले आहेत. तालिबानविरोधी गट पंजशीरमध्ये एकवटले आहेत.
