हायलाइट्स:
- या आठवड्यात पेटीएमची मूळ कंपनी वन ९७ कम्युनिकेशन्सचा आयपीओ आज खुला होणार आहे.
- केएफसी (KFC) आणि पिझ्झा हट (Pizza Hut) रेस्टॉरंट्स चालवणारी सफायर फूड्स इंडिया लिमिटेड शेअर विक्री करेल.
- लेटेंट व्ह्यू अॅनालिटिक्सचे देखील आयपीओतून निधी उभारणी करणार आहे.
दिवाळीच्या आठवड्यातही विविध क्षेत्रातील ५ कंपन्यांचे आयपीओ यशस्वीरित्या पूर्ण झाले आहेत. यामध्ये सौंदर्य आणि वेलनेस उत्पादनांसाठीच्या ऑनलाइन मार्केटप्लेस नायकाचे परिचालन करणाऱ्या एफएसएन (FSN),पॉलिसी बाजारची मूळ कंपनी पीबी फिनटेक (PB Fintech), फिनो पेमेंट्स (Fino Payments), एसजेएस एंटरप्रायझेस (SJS Enterprises) आणि सिगाची इंडस्ट्रीज (Sigachi Industries) यांचा समावेश आहे.
दोन दिवसात सोनं ९५० रुपयांनी महागलं ; जाणून घ्या आजचा सोने-चांदीचा भाव
८ नोव्हेंबरला येणार देशातील सर्वात मोठा आयपीओ
डिजिटल पेमेंट आणि वित्तीय सेवा कंपनी पेटीएमचा आयपीओ सोमवारी सबस्क्रिप्शनसाठी उघडेल. आयपीओच्या घोषणेनंतर पेटीएमने मुख्य गुंतवणूकदारांकडून ८,२३५ कोटी रुपये उभे केले आहेत.
आयपीओची किंमत २,०८० ते २,१५० रुपये प्रति शेअर निश्चित करण्यात आली आहे. पेटीएमचा १८,३०० कोटी रुपयांचा हा आयपीओ देशातील आतापर्यंतचा सर्वात मोठा आयपीओ असेल. आतापर्यंत हा विक्रम कोल इंडिया लिमिटेडकडे होता, २०१० मध्ये १५,००० कोटी रुपयांच्या आयपीओसह कोल इंडिया बाजारात आली होती.
सणासुदीत कर्ज घेण्याचा विचार करताय; कर्ज घेण्यापूर्वी या गोष्टी तपासा मग निर्णय घ्या
सफायर फूड्सचा आयपीओ ९ नोव्हेंबरला उघडणार
सफायर फूड्स इंडियाने त्यांच्या २,०७३ कोटी रुपयांच्या आयपीओसाठी प्रति शेअर १,१२० ते १,१८० चा प्राइस बँड निश्चित केला आहे. आयपीओ ९ नोव्हेंबरला सबस्क्रिप्शनसाठी उघडेल आणि ११ नोव्हेंबरला बंद होईल.
मुकेश अंबानींचे लंडनमध्ये घर; रिलायन्स समूहाने दिले ‘हे’ स्पष्टीकरण म्हणाले…
लेटेंट व्ह्यूचा आयपीओ १० नोव्हेंबरला उघडणार
लेटेंट व्ह्यू अॅनालिटिक्सने ६०० कोटी रुपयांच्या आयपीओसाठी (IPO) प्रति शेअर १९०-१९७ रुपये प्राइस बँड निश्चित केला आहे. कंपनीचा आयपीओ १० नोव्हेंबरला उघडेल. आणि १२ नोव्हेंबरला बंद होईल.
