नवी दिल्लीः पंतप्रधान नरेंद्र मोदी यांनी रविवारी दिल्लीत भाजपच्या राष्ट्रीय कार्यकारिणीच्या बैठकीला संबोधित केले. सेवा हीच सर्वात मोठी पूजा आहे. करोना काळात कार्यकर्त्यांनी सेवेची नवी संस्कृती सुरू केली आहे. भाजपच्या कार्यकर्त्यांना सामान्यांच्या मनात विश्वासाचा सेतू बनण्याचे आवाहन केले. देशाच्या राजकारणात पक्षाने आज जे यश मिळवले आहे त्याचे प्रमुख कारण म्हणजे जनतेशी जुळलेली नाळ आहे, असं पंतप्रधान मोदी म्हणाले.

भाजपच्या राष्ट्रीय कार्यकारिणीच्या एकदिवसीय बैठकीच्या समारोपाच्या भाषणात पंतप्रधानांनी विरोधी पक्षांवर खासकरून काँग्रेसवर निशाणा साधला. भाजप हा घराणेशाहीवर आधारित पक्ष नाही, असा टोला लगावला. पंतप्रधानांच्या भाषणाची माहिती केंद्रीय मंत्री भूपेंद्र यादव यांनी प्रसारमाध्यमांना दिली. आगामी काळात भाजपची रणनीती बनवण्यासाठी पंतप्रधान मोदींनी सर्व कार्यकर्त्यांना मोठा मंत्र दिला, असं यादव म्हणाले.

भाजप कार्यकर्त्यांनी सर्वसामान्यांच्या मनात विश्वासाचा सेतू बनला पाहिजे. भाजप अजूनही केंद्रात सत्तेत राहण्याचे मोठे कारण म्हणजे हे पक्ष सुरवातीपासून आणि आत्तापर्यंत सामान्यांशी जुळलेला आहे, असे पंतप्रधान मोदी म्हणाल्याचे यादव यांनी सांगितले.

भाजप हा घराणेशाहीवर आधारित पक्ष नाही. सेवा, दृढनिश्चय आणि समर्पण या मूळ संकल्पनेशी पक्ष जुळलेला आहे. कुठल्या एका घराण्याशी पक्ष जुळलेला नाही. पक्षाच्या परंपरांना पुढे नेत कष्ट आणि परिश्रम यामुळे आपण पुढे गेलो आहोत. भाजप कार्यकर्त्यांना आगामी काळात याच विश्वासाने आणि आपलेपणाच्या भावनेने पुढे जायचं आहे, असे आवाहन पंतप्रधान मोदींनी केले.

covid vaccine : मुलांना मिळणार करोनाची लस; ‘जायकोव-डी’ लसीचे १ कोटी डोस खरेदीचे केंद्राचे आदेश

उत्तर प्रदेश, पंजाबसह ५ राज्यांच्या विधानसभा निवडणुका होत आहेत. यासाठी भाजप अध्यक्ष जे. पी. नड्डा यांनी पक्ष कार्यकर्त्यांना वातावरण निर्मिती तयार करण्याचे आणि पक्ष संघटना बळकट करण्यासाठी काही सूचना दिल्या. भाजप गेल्या ७ वर्षांपासून केंद्रात सत्तेत आहे आणि पूर्वेपासून ते पश्चिमेपर्यंत अनेक राज्यांमध्ये भाजपची सत्ता आहे. पण भाजपचा उत्कर्ष अद्याप येणं बाकी आहे, असं भाजप अध्यक्ष जे. पी. नड्डा म्हणाले.

farmers stop screening of sooryavanshi : शेतकऱ्यांचा आता अक्षय कुमारला विरोध; ‘सूर्य