नवी दिल्ली: आयसीसी टी-२० वर्ल्डकपमध्ये आज न्यूझीलंड आणि अफगाणिस्तान यांच्यात लढत होणार असून ही लढत टीम इंडियासाठी महत्त्वाची आहे. भारताने अफगाणिस्तान आणि स्कॉटलंड यांच्यावर शानदार विजय मिळवून सेमीफायनलच्या आशा कायम ठेवल्या आहेत. पण आता सर्व चाहत्यांची नजर अफगाणिस्तानच्या संघावर आहे. आज त्याचा पराभव झाल्यास भारतातील कोट्यवधी चाहते निराश होतील. त्याच बरोबर काही कंपन्यांचे मोठे नुकसान देईल होईल.

आजच्या लढतीचा निकाल भारताच्या विरुद्ध लागला तर आयसीसी टी-२० वर्ल्डकपची व्यूअरशिप ५० टक्क्यांनी घटू शकते. कारण जे १२ देश वर्ल्डकप खेळत आहेत. त्यापैकी ११ देशांची लोकसंख्या ६४ कोटी इतकी आहे आणि भारताची लोकसंख्या १३५ कोटी इतकी आहे. म्हणजे भारताच्या एकूण लोकसंख्येच्या निम्मी होय. भारतीय संघ पहिल्या चार संघात पोहोचला नाही तर त्याचा टीव्ही राइट्सवर कोणताही परिणाम होणार नाही. कारण स्टार स्पोर्ट्सने २०१५ ते २०२३ पर्यंतच्या सर्व आयसीसी इव्हेंट्सचे राइट्स १९८ कोटी डॉलर्सला विकत घेतले आहेत. पण स्टारच्या योजनांना धक्का बसू शकले. भारत सेमीफायनल किंवा फायनलमध्ये पोहोचल्यास स्टारला जाहिरातीचे दर प्रिमियम ठेवता येतील आणि मोठा फायदा घेता येईल.

वाचा- आज अफगाणिस्तानकडून न्यूझीलंडचा पराभव झाला…; शोएब अख्तर म्हणायचे तरी काय

स्टारने जाहिरातीच्या ७० टक्के स्लॉट स्पर्धा सुरू होण्याच्या आधी विकल्या होत्या. या स्पर्धेतून स्टारला एक हजार कोटीपर्यंत कमाई करण्याची आशा आहे. यासाठी १६ कंपन्यांसोबत करार झालाय. प्रत्येक सामन्यात ४५ मिनिटाचा स्लॉट तयार आहे. भारत आणि पाकिस्तान यांच्याती लढतीत स्टारने १० सेकंदाचा स्लॉट २५ लाख रुपयांना विकला होता. २०१६च्या वर्ल्सकपमध्ये स्टारने जाहिरातीतून २६० कोटी रुपये कमावले होते. तेव्हा भारत सेमीफायनलमध्ये पराभूत झाला होता आणि स्टारचे नुकसान झाले होते.

या कंपन्यांचे जीव अडकला….

ज्या मोठ्या कंपन्यांनी जाहिरातीसाठी पैसे दिले आहेत. त्यामध्ये स्टार, कोका-कोला, ओप्पो, एमआरएफ, बायजू, बीरा ९१, मनी ग्राम, भारत पे, एमिरेट्स, अपस्टॉक्स, निसान, जॅकब्स क्रीक, ड्रीम ११, बुकिंग डॉट कॉम, रॉयल स्टॅग, विमाल इलायची आणि स्कोडा यांचा समावेश होतो. २०१६ साली जेव्हा टीम इंडिया स्पर्धेत होती तेव्हा पुरुष दर्शकांची संख्या ४.४ इतकी होती. यावेळी ती ३ टक्क्यांनी घसरू शकते. भारतीय संघाच्या पराभवाचा धक्का थेट रेटिंगवर पडतो. करोनाच्या झटक्यानंतर सण आणि टी-२० वर्ल्डकप स्पर्धा कंपन्यांसाठी बूस्टर डोस होता. जर भारतीय संघाचा पराभव झाला तर नुकसान होईल.