‘राष्ट्रवादीच्या मंत्र्यांच्या मुलांचे ड्रग्ज पेडलरसोबत काय कनेक्शन?’


मुंबईः राष्ट्रवादी काँग्रेसचे नेते नवाब मलिक (Nawab Malik) यांनी आज पुन्हा एकदा पत्रकार परिषद घेत मनोज कंबोज (Mohit Kamboj) यांच्यावर गंभीर आरोप केला आहे. तसंच, मनोज कंबोज आणि समीर वानखेडे (Sameer Wankhede) यांच्यात चांगले संबंध असल्याचंही नवाब मलिकांनी म्हटलं होतं. नवाब मलिकांच्या आरोपांवर मोहित कंबोज यांनी आज पत्रकार परिषद घेत प्रत्तुत्तर दिलं आहे. तसंच, वानखेडे यांना आपण ओळखत नसल्याचंही त्यांनी म्हटलं आहे.

‘क्रुझ पार्टीत सहभागी होण्यासाठी महाविकास आघाडी सरकारमधील मंत्री अस्लम शेख यांनीही आग्रह करण्यात आला होता, असा गौप्यस्फोट नवाब मलिकांनी केला होता. हाच धागा पकडत मनोज कंबोज यांनी राष्ट्रवादी काँग्रेसवर निशाणा साधला आहे. नवाब मलिकांनी मी जे काल बोललो ते सगळं मान्य केलं यासाठी त्यांचे आभार मानतो. त्यांनी क्रूझ पार्टीपासून दाढीवाल्या माणसाचा उल्लेख केला होता. आज त्यांनी स्वतःच त्या दाढीवाल्याचं नाव अस्लम शेख यांच्यासोबत जोडून खुलासा केला. त्यांनी हे सांगितलं की दाढीवाला अस्लम शेख यांना पार्टीत बोलवत होता. त्यांचा रोख काशिफ खानकडे होता. अस्लम शेख आणि काशिफ खान यांचे काय संबंध आहेत की तो अस्लम शेख यांना पार्टीत येण्यासाठी विनंती करत होता?,’ असा सवाल मोहित कंबोज यांनी केला आहे.

वाचाः ‘मोहित कंबोजची हॉटेल चालवण्यासाठी समीर वानखेडे शेजारच्या हॉटेलवर कारवाई करायचे’

‘मी आधीच सांगितलं होतं की राष्ट्रवादी काँग्रेसच्या नेत्यांच्या मुलांचा समावेश या पार्टीत होता. काशिफ खान यांच्याशी त्यांचे संबंध होते. ड्रग्ज माफियांसोबत राष्ट्रवादी काँग्रेसच्या मंत्र्यांच्या मुलांचे संबंध आहेत हे आज नवाब मलिकांनी पण मान्य केलं आहे,’ असा आरोप मोहित कंबोज यांनी केला आहे.

‘हॉटेल ललितमध्ये कबाब, शबाब आणि नवाब असायाचे. तुमच्याकडे जर सगळे पुरावे आहेत तर सांगा ड्रग्ज पेडलर्स आणि राष्ट्रवादी काँग्रेसच्या नेत्यांच्या मुलाचं नेमकं काय कनेक्शन आहे ते सांगावं. माझ्यावर आरोप करुन काही होणार नाही. तुम्हाला जी चौकशी करायची आहे ती करु शकता,’ असंही मोहित कंबोज यांनी म्हटलं आहे.

वाचाः आर्यन खानला क्रुझवर कोणी नेले?; नवाब मलिकांनी जाहीर केली ती दोन नावं



Source link

Leave a Reply

Your email address will not be published. Required fields are marked *

%d bloggers like this: