मुंबई : पेट्रोलियम कंपन्यांनी आज शनिवारी सलग दुसऱ्या दिवशी पेट्रोल आणि डिझेल दरात कोणताही बदल केला नाही. दरम्यान, केंद्र सरकारच्या आवाहनानंतर आतापर्यंत २२ राज्ये आणि केंद्रशासित प्रदेशांनी इंधनावरील व्हॅट दरात कपात केली आहे.

मुकेश अंबानींचे लंडनमध्ये घर; रिलायन्स समूहाने दिले ‘हे’ स्पष्टीकरण म्हणाले…
आज शनिवारी मुंबईत एक लीटर पेट्रोलचा भाव १०९.९८ रुपयांवर स्थिर आहे. दिल्लीत पेट्रोल १०३.९७ रुपये आहे. चेन्नईत पेट्रोलचा भाव १०१.४० रुपये आहे. कोलकात्यात एक लीटर पेट्रोल १०४.६७ रुपयांवर स्थिर आहे. मुंबईत एक लीटर डिझेलचा भाव ९४.१४ रुपये आहे.दिल्लीत डिझेल ८६.६७ रुपये इतके आहे. चेन्नईत आज डिझेलचा भाव प्रती लीटर ९१.४३ रुपये असून कोलकात्यात डिझेलचा भाव ८९.७९ रुपये आहे. या चार प्रमुख महानगरांमध्ये इंधन दर स्थिर आहेत.

पेट्रोल-डिझेल आणखी स्वस्त; २२ राज्य व केंद्रशासित प्रदेशांची दर कपात, महाराष्ट्राकडे लक्ष
दरम्यान, आग्रा शहरात पेट्रोल ९५.०५ रुपये आणि डिझेल ८६.५६ रुपये आहे. अहमदाबादमध्ये पेट्रोलचा भाव ९५.१३ रुपये आणि डिझेलचा भाव ८९.१२ रुपये आहे. चंदीगडमध्ये पेट्रोल ९४.२३ रुपये आणि डिझेल ८०.९० रुपये आहे. बंगळुरूमध्ये पेट्रोलचा भाव १००.५८ रुपये आणि डिझेल ८५.०१ रुपये आहे.

क्रिप्टो करन्सी झाले स्वस्त ; जाणून घ्या आज कोणकोणत्या चलनांमध्ये झाली घसरण
दरम्यान, जागतिक कमॉडिटी बाजारात गुरुवारी ब्रेंट क्रूडचा भाव १ डॉलर ४५ सेंट्सने कमी झाला. प्रती बॅरल ८०.५४ डॉलर इतका खाली आला. डब्ल्यूटीआय क्रूडचा भाव २ डॉलर ५ सेंटने घरून ७८.८१ डॉलर झाला.