केंद्राची इंधनावर शुल्क कपात; पेट्रोल-डिझेल दरांबाबत आज कंपन्यांनी घेतला ‘हा’ निर्णय


हायलाइट्स:

  • आज शुक्रवारी पेट्रोलियम कंपन्यांनी दोन्ही इंधन दर जैसे थे ठेवण्याचा निर्णय घेतला.
  • केंद्र सरकारने बुधवारी पेट्रोलवर ५ रुपये आणि डिझेलवर १० रुपयांची उत्पादन शुल्क कपात केली.
  • त्यानंतर मुंबई , दिल्लीत देखील पेट्रोल आणि डिझेलच्या किमतीत मोठी घसरण पहायला मिळाली.

मुंबई : केंद्र सरकारने उत्पादन शुलकात केलेली कपात आणि त्यानंतर जवळपास १४ राज्यांनी इंधनावरील व्हॅट कमी केल्यांनतर पेट्रोल आणि डिझेल दरात प्रचंड घसरण झाली आहे. आज शुक्रवारी पेट्रोलियम कंपन्यांनी दोन्ही इंधन दर जैसे थे ठेवण्याचा निर्णय घेतला.

केंद्र सरकारने बुधवारी पेट्रोलवर ५ रुपये आणि डिझेलवर १० रुपयांची उत्पादन शुल्क कपात केली होती. त्यानंतर मुंबई , दिल्लीत देखील पेट्रोल आणि डिझेलच्या किमतीत मोठी घसरण पहायला मिळाली.

शेअर बाजारात तेजीची आतषबाजी ; मुहूर्ताला सेन्सेक्स ३५० अंकांनी वधारला
आज शुक्रवारी मुंबईत एक लीटर पेट्रोलचा भाव १०९.९८ रुपयांवर स्थिर आहे. दिल्लीत पेट्रोल १०३.९७ रुपये आहे. चेन्नईत पेट्रोलचा भाव १०१.४० रुपये आहे. कोलकात्यात एक लीटर पेट्रोल १०४.६७ रुपये इतका कमी झाला आहे.

इथं मिळेल बचतीवर सर्वाधिक परतावा ; देशातील या लघु वित्त बँंका देतात इतक व्याज
मुंबईत एक लीटर डिझेलचा भाव ९४.१४ रुपये झाला आहे. त्याआधी बुधवारी डिझेलचा भाव १०६ रुपयांवर गेला होता. दिल्लीत डिझेल ८६.६७ रुपये इतके आहे. चेन्नईत आज डिझेलचा भाव प्रती लीटर ९१.४३ रुपये असून कोलकात्यात डिझेलचा भाव ८९.७९ रुपये आहे.

खुशखबर! सणासुदीत सोन्याचा भाव गडगडला, जाणून घ्या आज कितीने स्वस्त झालं सोनं
केंद्र सरकारने राज्यांना देखील पेट्रोल आणि डिझेलवर लागू असलेला मूल्यवर्धित कर (व्हॅट) कमी करण्याचे आवाहन केले होते. त्याला प्रतिसाद देत बुधवारी रात्री उशिरा सहा राज्यांनी इंधनावरील व्हॅट कमीकेला होता. यात आसाम , त्रिपुरा, हिमाचल प्रदेश, कर्नाटक , गोवा आणि उत्तराखंड या राज्यांनी रात्रीच व्हॅट कमी केला आहे. तर काल गुरुवारी मणिपूर, उत्तर प्रदेश , गुजरात , हरियाणा , ओडिशा , सिक्कीम , जम्मू काश्मीर , बिहार या राज्यांनी इंधन दर कमी केला आहे.

दरम्यान, गुरुवारी कच्च्या तेलाच्या किमतीत ९८ सेंट्सची घसरण झाली. ब्रेंट क्रूडचा भाव १.२ टक्क्यांनी कमी होऊन ८३.७४ डॉलर प्रती बॅरल इतका खाली घसरला. डब्ल्यूटीआय क्रूड दरात १.६ टक्क्यांची घसरण झाली आणि त्याचा भाव प्रती बॅरल ८२.५९ डॉलर झाला.

याआधी गेल्या महिन्यात कच्च्या तेलाचा भाव ८५ डॉलर प्रती बॅरलवर गेल्यानंतर पेट्रोलियम कंपन्यांनी इंधन दरवाढीचा सपाटा लावला होता. मागील २९ दिवसांत केलेल्या दरवाढीने पेट्रोल ८.१५ रुपयांनी महागले होते. तर याच कालावधीत डिझेल ९.४५ रुपयांनी महागले होते.



Source link

Leave a Reply

Your email address will not be published. Required fields are marked *

%d bloggers like this: