खुशखबर! सणासुदीत सोन्याचा भाव गडगडला, जाणून घ्या आज कितीने स्वस्त झालं सोनं


हायलाइट्स:

  • जागतिक बाजारपेठेत सोने स्वस्त झाल्याने त्याचे पडसाद स्थानिक पातळीवर उमटले.
  • कमॉडिटी बाजारात बुधवारी सोन्याचा भाव गडगडला.
  • सोनं तब्बल ६०० रुपयांनी स्वस्त झालं आहे.

मुंबई : कमॉडिटी बाजारात बुधवारी सोन्याचा भाव गडगडला. जागतिक बाजारपेठेत सोने स्वस्त झाल्याने त्याचे पडसाद स्थानिक पातळीवर उमटले. बुधवारी सोनं तब्बल ६०० रुपयांनी स्वस्त झालं. यामुळे ग्राहकांसाठी खरेदीची नवी संधी निर्माण झाली आहे.

‘एसबीआय’ला बंपर नफा ; दुसऱ्या तिमाहीत नफ्यात ६६ टक्के वाढ, विक्रमी कमाई
धनत्रयोदशीपूर्वी सोन्यावर नफावसुलीचा दबाव दिसून आला होता. भांडवली बाजारातील तेजी आणि आयपीओ योजनांची झालेली भाऊगर्दी यामुळे गुंतवणूकदार हाती रोकड ठेवण्याला प्राधान्य देत आहे. त्यामुळे गुंतवणूक केलेल्या सोन्याची ट्रेडर्सने विक्री करून पैसे काढून घेत असल्याचे जाणकारांचे म्हणणे आहे.

मल्टी कमॉडिटी एक्सचेंजवर (एमसीएक्स) बुधवारी बाजार बंद होताना सोन्याचा भाव ६०२ रुपयांनी कमी झाला आणि ४७०२० रुपयांवर बंद झाला. त्याआधी काल इंट्राडेमध्ये सोन्याचा भाव ४६८७२ रुपयांपर्यंत खाली आला होता. कालच्या सत्रात चांदीमध्ये देखील मोठी घसरण झाली आहे. काल चांदीचा भाव ६२४८७ रुपयांवर बंद झाला. त्यात ७३६ रुपयांची घसरण झाली. काल सराफा बाजारात देखील सोने आणि चांदी स्वस्त झाल्याचे पाहायला मिळाले.

स्वस्ताईची पहाट! शुल्क कपातीनंतर जाणून घ्या पेट्रोल-डिझेलचा आजचा भाव
दिल्लीत सराफा बाजारात बुधवारी सोन्याचा भाव ३७५ रुपयांनी कमी झाला. १० ग्रॅम सोन्याचा भाव ४६४११ रुपयांपर्यंत खाली आला. मंगळवारी सोन ४६७८६ रुपये इतके होते. चांदीमध्ये काल ८९८ रुपयांची घसरण झाली आणि एक किलोचा भाव ६२०५२ रुपयांवर स्थिरावला होता. जागतिक बाजारात स्पॉट गोल्डचा भाव ०.४ टक्क्याने कमी झाला असून तो १७८०.९० डॉलर प्रती औंस झाला. यूएस फ्युचर गोल्डचा भाव १७८१.३० डॉलर प्रती औंस आहे.

EPFO Alert पगारदार आहात; घरबसल्या अपडेट करा नोकरी सोडण्याची तारीख, कसे ते जाणून घ्या
Goodreturns या वेबसाईटनुसार आज गुरुवारी मुंबईत २२ कॅरेट सोन्याचा भाव ४६४१० रुपये आणि २४ कॅरेटचा भाव ४७४१० रुपयांपर्यंत खाली आला आहे. आज दिल्लीत २२ कॅरेट सोन्याचा भाव ४६७०० रुपयांपर्यंत खाली घसरला. २४ कॅरेटसाठी सोन्याचा भाव ५०९०० रुपये आहे.
आज चेन्नईत २२ कॅरेटसाठी ४४४७० रुपये तर २४ कॅरेट सोन्याचा भाव ४८५०० रुपये खाली आला आहे. त्यात २६० रुपयांची घसरण झाली. कोलकात्यात आज २२ कॅरेट सोन्याचा भाव ४७८५० रुपये असून २४ कॅरेट सोन्याचा भाव ५०५५० रुपये इतका आहे. त्यात बुधवारच्या तुलनेत ७५० रुपयांची वाढ झाली आहे.



Source link

Leave a Reply

Your email address will not be published. Required fields are marked *

%d bloggers like this: