PF खात्यात ८.५ टक्के दराने जमा होणार पैसे;मिस्ड कॉल आणि SMS द्वारे अशी तपासा शिल्लक


मुंबई : कर्मचारी भविष्य निधी संघटनेकडून (EPFO) तुम्हाला लवकरच चांगली बातमी मिळू शकते. सहा कोटींहून अधिक लाभार्थ्यांना लवकरच ८.५ टक्के व्याज मिळणार आहे. अर्थ मंत्रालयाने नुकतीच २०२०-२१ साठी भविष्य निर्वाह निधीवर ८.५ टक्के व्याजदर मंजूर केला आहे. त्यामुळे पीएफ खातेधारकांच्या खात्यात मोठी रक्कम जमा होणार आहे.

शेअर बाजारात घसरण; बँंक आणि मेटल स्टॉक गडगडले, रिअल इस्टेटमधील शेअरला मागणी
कामगार मंत्र्यांच्या अध्यक्षतेखालील ईपीएफओच्या केंद्रीय विश्वस्त मंडळाने या वर्षी मार्चमध्ये २०२०-२१ साठी गतवर्षी प्रमाणेच ८.५% व्याजदर मंजूर केला, पण या प्रस्तावित दराला कामगार मंत्रालयाला अर्थ मंत्रालयाकडून मंजुरी घ्यावी लागणार आहे. शुक्रवारी मंत्रालयाची मंजुरी मिळाल्यानंतर ईपीएफओच्या ग्राहकांना दिवाळीदरम्यान गोड दिलासा मिळू शकतो.

छोटे क्रिप्टो करन्सी तेजीत ; जाणून घ्या कोणत्या आभासी चलनात झाली मोठी वाढ
कामगार मंत्रालयाने दिल्या सूचना
या महिन्याच्या सुरुवातीला कामगार मंत्रालयाच्या उच्च अधिकार्‍यांनी अर्थ मंत्रालयाच्या अधिकार्‍यांची भेट घेतली आणि त्यांना व्याजदर वाढवण्याची प्रक्रिया लवकर करण्याच्या सूचना दिल्या. गेल्या आर्थिक वर्षात ईपीएफओचे अंदाजे उत्पन्न सुमारे ७०,३०० कोटी रुपये होते, ज्यामध्ये त्याच्या इक्विटी गुंतवणुकीचा काही भाग विकून सुमारे ४,००० कोटी रुपये आणि कर्जातून ६५,००० कोटी रुपये होते.

आर्थिक वर्ष २०१९-२० मध्ये, केवायसी (KYC) गडबडीमुळे अनेक पीएफ खातेधारकांना व्याजाच्या पैशासाठी बराच काळ प्रतीक्षा करावी लागली होती. ईपीएफओने आर्थिक वर्ष २०२०-२१ साठी व्याजदर ८.५ टक्के ठेवले होते, जो गेल्या ७ वर्षातील सर्वात कमी व्याजदर आहे. यावर्षी पुन्हा खातेदारांच्या खात्यात पीएफचे पैसे येणार आहेत. जर तुमचे पीएफ खाते असेल, तर तुम्ही घर बसल्या मिस्ड कॉल किंवा एसएमएसद्वारे तुमच्या पीएफ खात्यातील शिल्लक सहज तपासू शकता. खात्यात पैसे आले की नाही याबाबतची सर्व माहिती समजेल.

मुहूर्त ट्रेडिंग करताय ; जाणून घ्या मुहूर्त ट्रेडिंगचे महत्व आणि यंदाची मुहूर्ताची वेळ
पीएफचे पैसे तपासण्यासाठी तुम्हाला तुमच्या नोंदणीकृत मोबाइल क्रमांकावरून ०११-२२९०१४०६ या क्रमांकावर मिस्ड कॉल द्यावा लागेल. यानंतर तुम्हाला ईपीएफओच्या मेसेजद्वारे पीएफची माहिती मिळेल. येथे तुमचा यूएएन (UAN), पॅन (PAN) आणि आधार लिंक असणे देखील आवश्यक आहे.

– ईपीएफओच्या (EPFO) वेबसाइटवर epfindia.gov.in लॉग इन करा.
– ई-पासबुकवर क्लिक करा.
– तुम्हाला passbook.epfindia.gov.in वर पुनर्निर्देशित केले जाईल.
– आता तुमचे युजरनेम (UAN नंबर), पासवर्ड आणि कॅप्चा भरा.
– सर्व तपशील भरल्यानंतर तुम्ही नवीन पेजवर याल आणि येथे तुम्हाला सदस्य क्रमांक (मेंबर आयडी) निवडावा लागेल.
– येथे तुम्हाला तुमची ईपीएफ शिल्लक ई-पासबुकवर मिळेल.

यूएएन (UAN) नोंदणीकृत असणे आवश्यक
जर तुमचा यूएएन (UAN) क्रमांक ईपीएफओ (EPFO)मध्ये नोंदणीकृत असेल, तर तुम्ही तुमच्या पीएफची शिल्लक माहिती मेसेजद्वारे मिळवू शकता. यासाठी तुम्हाला EPFOHO लिहून ७७३८२९९८९९ या मोबाईल क्रमांकावर संदेश पाठवावा लागेल. त्यानंतर तुम्हाला एसएमएसद्वारे पीएफची माहिती मिळेल. पीएफ बॅलन्ससाठी तुमचा यूएएन (UAN), बँक खाते, पॅन (PAN) आणि आधार लिंक असणे आवश्यक आहे.



Source link

Leave a Reply

Your email address will not be published. Required fields are marked *

%d bloggers like this: